ملخص فيلم mammal 2016

 

mammal 2016

ست مطلقه بيموت ابنها فبتاخد شاب من الشارع يعيش معاها لكنها بتدخل فى علاقه معاه ومش بتقدر تستغنى عنه

بيبدأ فيلمنا مع مارجريت وهيا سيده عندها 40 سنه 

وانفصلت عن جوزها مات من فتره وعندها منه ولد عنده 17سنه 

عايش مع والده مات و هيا عايشه فى مدينه تانيه بعيد عنه

وارتبطت مارجريت بجارها اندرو لفتره ولكنهم انفصلو عن بعض وساب المدينه بسبب مشاكله مع طليقته 

وبنعرف ان مارجريت عندها محل لتفصيل الملابس 

وبسبب الوحده اللى بتعيشها مارجريت بتحاول تطلع حزنها ووحدتها  فى ممارسه الرياضه والسباحه 

وفى يوم بيجيلها طليقها مات وبيقولها ان ابنهم ماكس ساب البيت من كام يوم ومش عارف عنه حاجه 

وانه طبع ملصقات بصوره ابنهم ماكس للبحث عنه وبيديها شويه من الملصقات

وبتلزق مارجريت واحد من الملصقات على باب محلها 

وفى البيت بتخرج مارجريت كيس زباله للصندوق فى الشارع 

لاكن بتشوف شاب فى عمر ابنها ماكس مرمى على الارض فى الشارع وغرقان فى دمه 

بسبب جرح فى ايده 

فبتساعده مارجريت وبتدخله للبيت وبتنظف الجرح وبتربطه 

وبتشعر ان الشاب هيفقد الوعى فبتتطلب منه انه يتماسك على ماتجيبله ميا 

ولاكن لما لترجع بتلاقيه مشى فبتخرج تدور عليه فى الشارع ومش بتلاقيه 

وبتشوف قطه صغيره مشرده فبتاخدها للبيت وتعتنى بيها مع باقى القطط اللى عندها فى الجنينه 

وتانى يوم لما بترجع من شغلها بيجيلها اتصال من طليقها مات 

بيقولها ان الشرطه لقت جثه ابنهم ماكس غرقان فى النهر 

وبيطلب منها انها متحضرش للجنازه ودا لانه مش عاوز مشاكل مع زوجته الجديده 

وبتشعر مارجريت بالصدمه لموت ابنها الوحيد وتانى يوم بتروح تزور قبر ابنها 

وبترجع تطلع احزانها فى تمرين السباحه وبتاخد دش وقبل مابتمشى بتشوف الشاب اللى انقذته من الموت فى حمام السباحه 

فبتنتظره مارجريت لحد ما بيخلص تدريب وبتنادى عليه مارجريت وبتساله عن الجرح اللى فى ايده 

فقالها انه بقا كويس وبيشكرها على انقاذها ليه وبتطمن مارجريت بنفسها على الجرح 

وبتساله عن اسمه فقالها انه اسمه جون 

وبتساله مارجريت على  عنوان بيته فقالها انه عايش فى الشارع 

فعرضت عليه مارجريت انه يجى يعيش معاها فى البيت 

لحد مايقدر يشوف مكان تانى يعيش فيه فبيوافق جون وبيروح معاها للبيت

 وبتوريه مارجريت اوضته وقالتله يتصرف فى البيت كأنه بيته وبتحضر له العشا 

لاكن جون بيستغل انشغال مارجريت وبيسرق فلوس من محفظتها 

ولما بتخلص مارجريت اللى بتعمله  بتاخد المحفظه وبتدخل لاوضتها وبتقفل عليها 

لانها لسه متعرفش اخلاقه لاكنها مش بتعرف تنام طول الليل 

وبتخرج تطمن على جون فبتلاقيه نايم على الكنبه قدام التلفزيون 

وبتحس مارجريت ان جون هيعوضها عن فراق ابنها ماكس 

وتانى يوم بيصحى جون وبيتعامل فى البيت براحه 

وبيسمع جون كلام مارجريت مع محاميه على الباب 

واللى بتكون عاوزه تاخد عربيه مارجريت لانها مكتوبه باسم اندرو وتديها لطليقه اندرو لانه مدفعش النفقه 

فبيخرج جون وبيقول للمحاميه انه اشترى العربيه من اندرو قبل مابيسيب المدينه 

وبتشكر مارجريت جون على مساعدته ليها 

وبتديله المفاتيح عشان يستخدم العربيه وقت مايحتاجها 

وبتروح مارجريت للسوبر ماركت عشان تشترى مستلزمات البيت 

وهناك بتشوف واحد من الملصقات اللى وزعتها للبحث عن ابنها وبتتأثر لموت ابنها 

ولما بترجع للبيت بتشوف جون قاعد  بيدخن فى الجنينه فبتخرج تقعد معاه 

وبتساله مارجريت عن عيلته فقالها انه كان عايش مع والدته و اخواته الثلاثه من زوج تانى 

وبسبب الفقر قرر انه يسيب البيت ويعيش لوحده

وبيقولها جون انه بيحب السباحه فقالتله مارجريت انه هتعلمه السباحه بنفسها 

وتانى يوم بتروح مارجريت وجون لحمام السباحه وبتعلمه اساسيات السباحه 

وبيتظاهر جون انه مش عارف يعوم فبتحاول مارجريت انقاذه 

لاكنه بيفاجئها انه كان بيلعب معاها وبيشيلها فى الميا 

فبيضايق المدرب من تصرفه وبيخرجه من حمام السباحه 

ولما بتخرج مارجريت من النادى بتتفاجئ  بطليقها مات  مستنيها 

وقالها انه عاوز يتكلم معاها و مش قادر يرجع لبيته لانه ماكس مش فى البيت 

وقاعد فى اوضه فى فندق قريب وبيطلب منها تروح معاه للفندق عشان بهدا بوجودها جنبه 

وبتلاحظ ان جون خرج من النادى ومشى مع اصحابه 

وفعلا بتقضى الليل مع مات فى الفندق

وبنشوف جون واصحابه اعتدو على واحد واخدو منه فلوسه وضربوه

وتانى يوم بترجع مارجريت للبيت وبتشوف جون وهوا بيجرب العربيه 

فبتعرض عليه مارجريت انهم يخرجو يتمشو بالعربيه شويه وبيوصلو لشط البحر 

وبيتهور جون وبيقلع هدومه وبينزل يعوم فى البحر بالرغم من ان الجو برد 

وبينادى على مارجريت وبتقلع هدومها وبتنزل معاه ولما بتغطس تحت الميا

بيزيد ضغط الميا عليها و بتحس انها مش قادره تطلع للسطح وكانت هتغرق

لاكن فى اللحظه الاخيره بيسحبها جون وبينقذها 

و بيخرجو من الميا وبيلبسو هدومهم 

وقال جون لمارجريت انه كان بيعمل حركه هوا واصحابه لما يحبو يفصلو عن الدنيا 

وبيبقا اسعد وقت عندهم 

وهيا بالضغط على عروق معينه فى الرقبه وبيفقد فيها الشخص الوعى 

وبيمسك جون برقبه مارجريت ولكنه بيتراجع 

وبيركبو العربيه وبيرجعو للبيت وفى الطريق بيشوف اصحابه فبيطلب منها انها ترجع للبيت وهوا هيحصلها

 وبينزل يمشى مع صحابه المشردين 

وتانى يوم بيقابل مات مارجريت فى المحل وبيديها هدوم ماكس ابنهم 

وقالها انه مش قادر يشوف اى حاجه تخص ماكس وانها بتفكره بيه ومش متخيل انه مات 

ولما بترجع للبيت بتدى الهدوم لجون يلبسها وبيفرح جون بيهم 

ولما بيلبس جون واحد من التشيرتات بتتاثر مارجريت وبتحضن جون من ظهره بشوق لانه فكرها بماكس

وبعدها بتعتذر لماكس

وفى الليل بيخرج جون مع صحابه وبيحاولو يثبتو واحد وياخدو فلوسه لاكن بيطلع معاه سلاح وبيضرب جون

 ولما بيرجع جون البيت بتسمعه مارجريت وهوا بيبكى فى الحمام 

فبتقوم تطمن عليه وبتحاول تهديه وتداوى جروحه

وبعدها بتحضر مارجريت حفله خيريه بالمدينه وبتتفاجئ بوجود مات بالحفله

 وبيقولها مات انه عاوز يرجع ليها وانه مش غلطان انه سابها

لاكن مارجريت بترفض وبتقوله انها مش هتقدر ترجعله تانى ابدا فبيسيبها مات وبيمشى 

وفى الوقت دا بيظهر جون وبيسالها عن الشخص اللى كان معاها فبتقوله انه طليقها 

وبتستفز طليقه اندرو مارجريت وبتعزم جون عندها فى البيت

وبيوافق جون فبتغضب مارجريت 

ولما بيخرج جون من الحفله بيلاقى مات مستنيه 

وبيساله مات عن علاقته بطليقته وليه عايش معاها فى البيت فبيضربه جون ضربه قويه وبيسيبه ويمشى 

وبتشوف مارجريت اللى حصل وبتحاول تعتذر لمات  

ولما بترجع البيت وبتنام بتسمع صوت جون وطليقه اندرو فى اوضته 

ولما بتقرب من الاوضه بتشوفهم فى علاقه مع بعض

وبتتصدم مارجريت وبترجع لاوضتها

وتانى يوم بيقابل جون طليقه اندرو وبتطلب منه انه يفسحها بالعربيه شويه

ومن اهمالها بتسيب ابنها فى الشارع لوحده ولما بترجع مارجريت من الشغل بتلاقى الطفل بيصرخ بالبكاء 

بسبب خربشه قطه ليه 

فبتاخده مارجريت وبتحاول تهديه ولما بترجع امه بتتهمها انها السبب فى ايذاء ابنها 

وبتاخده وبتروح للمستشفى وبتحس مارجريت بالحزن واليأس

وبتدخل للحمام وبتقعد فى البانيو وبتفضل تبكى 

وبتفتكر الحركه اللى جون قالها عليها وبتحاول تعملها فى نفسها لاكن مش بتعرف 

وفى اللحظه دى بيرجع جون وبيشوف مارجريت بالحمام وبيراقبها وهيا بتحاول تنفذ حركته 

فبيدخل فجأه وبيمسك برقبتها وبينفذ فيها الحركه وبتفقد مارجريت الوعى 

وبعدها بتستعيد مارجريت وعيها وكانت سعيده وبتقوله مارجريت انه كان عنده حق وبتشكره 

وفلحظه بيقرب منها جون وبتنسى مارجريت انه فى عمر ابنها  وبيدخل معاها فى علاقه

ولما بتصحى مارجريت بتشعر بالندم  وبتلبس هدومها وبتروح على شغلها 

ولما بيصحى جون بيفتش فى البيت على اى فلوس وبياخدها ويروح لاصحابه 

يقعد معاهم وبيفضلو يشربو مخدرات 

وبيحكي جون لواحد من اصحابه على انه عايش مع مارجريت وانها بتصرف عليه 

وحكاله على اللى حصل بينه وبين مارجريت لحد مافقد الوعى 

ولما بترجع مارجريت للبيت بيجيلها رساله من رقم مجهول وقالتلها فيه انها والده جون 

وانه اتصل بيها من رقمها وبتطلب من مارجريت تكمنها عليه فتتجاهل مارجريت الرساله 

ولما بيستعيد جون وعيه بيلاقى نفسه لوحده فى الشارع فبيروح لبار وبيكمل سهرته فيه

وبيجيله مات وبيتكلم معاه وبيستغل مات ان جون سكران وبياخده برا البار 

وبيضربه وبيساله عن العلاقه اللى بينه وبين طليقته لاكن جون بيضحك ومش بيرد عليه 

فبيضربه مات بعنف اكتر لحد مابيفقد جون وعيه

وفى بيت مارجريت كانت بتاخد شاور وبتسمع جرس الباب بيرن فتلبس هدومها وبتخرج 

فبتتفاجئ بواحد من اصحاب جون دخل للبيت وبيهددها وبيطلب منها فلوس 

لاكن فجأه بيرن جرس الباب وبيهرب صاحب جون 

ولما بتفتح مارجريت الباب بتلاقى مات وطلب منها انه يبات معاها عشان مفيش حد يضايقها 

فبترفض مارجريت 

وقالها ان جون مش هيرجع للبيت تانى بعد اللى عمله فيه وبيسيبها وبيمشى ومارجريت مكنتش فاهمه كلامه 

لاكن بعدها بتشوف جون واقف جنب البيت ومتصاب بجروح خطيره 

فبتاخده مارجريت وبتحاول تعالج جروحه ولاكن الجروح كانت خطيره فبتاخده للمستشفى 

ولما بيدخل للدكتور بتيجى والده جون وبتسال على ابنها 

وبنعرف ان مارجريت هيا اللى اتصلت بوالدته عشان تاخده وترعاه 

وبتشوف مارجريت ملصق لابنها ماكس وبتفضل قدامه شويه وبتمشى 

بعد مااكتشفت ان مفيش حد هيعوضها موت ابنها ماكس

ولهنا نكون وصلنا لنهايه فيلمنا