ملخص فيلم Sleeping with my student

 

Sleeping with my student

شاب مهوس بالستات بيعمل علاقه مع مديره المدرسه وبيصورها وبيحاول مع بنتها هيا كمان عشان يبتزهم

بيبدأ فيلمنا فى عربيه مع اتنين متجوزين اسمهم جون وسوزى

وسوزى بتكون متعصبه بسبب خيانه جون ليها وبيقولها جون انه مش هيعمل كدا تانى

لاكنها مش بتصدقه بسبب انه خانها كتير

وفى الكرسى الخلفى للعربيه بنشوف ابنهم بيعيط وهما مشغولين فى خناقتهم

وفى لحظه انفعال بتمسك سوزى بدريكسيون العربيه وبتقرر انهم يعملو حادثه ويموتو عشان ترتاح من خيانه جوزها ليها

وبيحاول جون بيحاول انه يسيطر على الدريكسيون

لاكن للاسف بيعملو حادثه وبيموت جون

وبعد مرور 17سنه

بنشوف كيثى وهيا بتحتفل مع اصحابها ميجان وستيسى بمناسبه ترقيتها لمديره مدرسه

وبتقول كيثى انها قلقانه من منصبها الجديد

لاكن ميجان وستيسى بيطمنوها وقالولها انهم هيفضلو جنبها وهيساعدوها فى اى مشكله تمر بيها

وبتشعر ميجان بالحرلاكن بيكتشفو ان التكييف مش شغال

وبتتصل كيثى بالاستقبال عشان يبعتو فنى التكيف لإصلاحه

وبتتصل موظفه الاستقبال بالفنى لكنه مش بيرد

وفجأه بيدخل شاب صغير واسمه جان وقال للموظفه انه فنى التكيف الجديد

وبتتطب منه ان يطلع لاوضه كيثى لاصلاح التكيف

وفى اوضه كيثى بيطلب منها صحابها انها لازم تنسى طليقها

وتحاول تدخل فى علاقه جديده تحس بيها بانوثتها وتنسى بيها اوجاعها

وفى اللحظه دى بيدخل جان وبيبص له التلاته باعجاب

وبتقول ميجان لكيثى انه هوا دا اللى هينسيها احزانها

وبعد مابيصلح جان التكيف بيقولهم انه فى خدمتهم

ولو واجهتهم اى مشكله يتصلو بالاستقبال ويطلبوه

وبيفضل التلاته يشربو طول الليل

وبعدها بتنزل كيثى تقعد على حمام السباحه وبيقرب منها جان وبيتكلم معاها

وبيقولها انه خلص الشفت بتاعه

ومتعود كل يوم ينزل يسترخى بعد الشغل فى حمام السباحه

وبيطلب جان من كيثى انها تنزل تعوم معاه لاكنها بتعتذر له

وبينزل جان تحت الميا وبيفضل فتره فبتقلق كيثى عليه وبتنزل تطمن عليه

لاكن بتتفاجئ انه كان عامل كدا عشان بخليها تنزل الميا

وبيقولها انه بيقدر يكتم نفسه تحت الميا فتره طويله وانه بيستمتع لما بيعمل كدا

وبيفضل جان وكيثى يتكلمو مع بعض وبيحاول جان انه يتقرب من كيثى

وبيخرجو من الميا عشان يكملو سهرتهم فى اوضه كيثى

وبيفضلو يشربو ويتكلموو

وبتقوله كيثى انها اتطلقت من جوزها من فتره كبيره

وبيقرب جان من كيثى وقالها انه معجب بيها وبيشغل جان كاميرا موبايله

عشان يصور اللى هيحصل بينهم من غير ما كيثى تعرف

وبيدخل معاها فى علاقه حميميه

وتانى يوم بتصحى كيثى ومش بتلاقى جان جنبها

لاكنه سايب ليها ورده ورساله بيشكرها فيها على الوقت الممتع اللى قضاه معاها

وبتاخد كيثى وصحابها شنطهم عشان يغادرو الفندق

وبتسال كيثى على جان

لاكن الموظف بيقولها انه مفيش حد فى الفندق معاهم بالاسم دا وبتتصدم كيثى

وبنعرف ان جان كان متفق مع فنى التكيف عشان ياخد مكانه

ليله عشان يصور فيديو ليه مع كيثى فى السرير

وبيديله جان كيس المخدرات اللى اتفقو عليه وبعدها بيركب عربيته

وبيطلع صوره بنت فى نفس سنه

وبنعرف ان البنت دى تبقى بنت كيثى واسمها بيرى

وبيوصل جان بعربيته لبيته وبنعرف انه شخص فقيروان جوز امه ديلر مخدرات

ولما بيدخل جان لامه بنتفاجئ انه امه تبقى سوزى اللى جوزها جون خانها مع كيثى وان جان يبقى الطفل اللى كان بيبكى فى العربية ورا

وبيوعدها جان انه هينتقم من الست اللى كانت السبب فى دمار عيليتهم

وبنرجع لكيثى وبيرى

وبتقولها بيرى انها خايفه من انها متقدرش تتعامل مع باقى زمايلها فى المدرسه الجديده

بسبب انها عندها مشاكل فى الكلام وخايفه تتعرض للتنمر

لاكن كيثى بطمنها وقالتلها انها مديره المدرسه ومش هتسمح لاى شخص باذيتها

وتانى يوم بتوصل كيثى وبيرى للمدرسه

وفجأه بتشوف كيثى جان لاكنه بيختفى وسط الطلاب وبتتوتر كيثى

وبنشوف بنتين فى فصل بيرى واسمهم ليزلى وجينا

وليزلى تبقى قائده فريق المشجعات بالمدرسه

وبتقول ليزلى انها عاوزه تتعرف على بيرى لانها عرفت انها تبقى بنت مديره المدرسه

وان ليزلى عاوزه تزود ميزانيه فريق التشجيع

وفجأه بيدخل جان وبنعرف انه طالب فى نفس فصل بيرى

وبيقعد جان جنب بيرى وبيتعرف عليها

وبعد الحصه مابتخلص بتروح بيرى لمعرض اللوحات الفنيه بالمدرسه

وبتروح ليزلى وصديقها وجينا ورا بيرى عشان يتعرفو عليها

وبتعرض عليها تنضم لفريق المشجعات

فبتتوتر بيرى وبتواجه صعوبه فى الكلام

وبيستغرب صديق ليزلى من طريقه كلام بيرى

فبيظهر جان فجأه وبيستغل الفرصه وبيهدد صديق ليزلى انه ميتريقش عليها تانى

وفجأه بتيجى كيثى عشان تاخد بيرى ويروحو

فبيمشى جان بسرعه قبل ماكيثى تشوفه

وبتطلب بيرى من كيثى انها تخرج مع ليزلى وجينا عشان تتعرف على المدينه

وفى احد الكافيهات بيطلبو قهوه

وبتقول جينا لليزلى انها تعرف جان وانها عملت معاه علاقه واختفى بعدها من حياتها

ولما بيخرجو لبيرى بيلاقو جان قاعد معاها

وقالهم انه لاحظ ان بيرى قاعده لوحدها فقعد معاها عشان محدش يضايقها

وبعدها بيسيبهم ويمشى

ولما بترجع بيرى للبيت بتحكى لوالدتها على اليوم بتاعها

وفجأه بيجى لكيثى رساله من رقم مجهول

وبيبعت ليها صوره من ملابسها الداخليه وبيقولها انه مشتاق ليها

فبتتاكد كيثى ان اللى بعت الرساله يبقا جان فبتتوتر كيثى اكثر

وتانى يوم فى فصل بيرى كيثى بتتكلم مع المدرس

وفجأه بيدخل جان ومعاه بيرى للفصل

فبتتصدم كيثى وبتتوتر وبترجع لمكتبها عشان تفكرهتعمل ايه فى المشكله اللى واقعه فيها

فبتطلب كيثى من السكرتيره انها تجيبلها معلومات عن جان

فقالتلها انه طالب اترفض من مدرسته القديمه بسبب انه كان عدوانى وعصبى

ودايما بيعمل مشاكل

فبتقلق كيثى من المشاكل اللى ممكن يعملها جان ليها ولبنتها

وبتتصل بصاحبتها ميجان عشان تجيلها ويفكرو فى حل للمشكله اللى وقعت نفسها فيها

ولما بتبص كيثى من الشباك بتلاقى جان قاعد مع بيرى

فبتنزل بسرعه وتاخد بيرى عشان يرجعوو البيت وكانت كيثى منفعله ومتوتره

وفى العربيه بتطلب كيثى من بيرى انها تقطع علاقتها بجان لانه ولد مشاغب

فبترفض بيرى وبتقولها انها مشافتش منه حاجه غلط

وفى الوقت دا بيوصل طليق كيثى للبيت

وبتقوله كيثى انها عاوزه تعترف لبيرى انها السبب فى طلاقهم

لاكن طليقها قالها ان بيرى نفسيتها هتدمر لو عرفت ان امها خانته مع راجل تانى

وفى الوقت دا كان جان بيراقبهم من عربيته وبتخرج بيرى مع والدها عشان يتغدو

وبعدها بتوصل ميجان لبيت كيثى وبتحكيلها ان جان بيحاول يتقرب من بنتها

وانه بعت ليها صور من اليوم اللى قاضوه مع بعض فى الفندق

وانها خايفه ومش عارفه تتصرف

وفى المطعم بنشوف بيرى والدها قاعدين بيتغدو مع بعض

وفجأه بيظهر جان وبيشاور ليها تروحله وقالها انها وحشته وكان عاوز يشوفها

وكانت بيرى مبسوطه بكلام جان ليها

وبتقوله انها عاوزه ترجع لوالدها قبل مايقلق عليها

لاكن والدها بيخرج فجأه عشان يطمن عليها وبيلاقيها واقفه مع جان

وبيستأءن جان وبيمشى

ولما بترجع بيرى ووالدها للبيت بيتكلم والدها مع كيثى وحكاليها على حصل

وقالها انه مش مرتاح للواد اللى اسمه جان

فقالتله كيثى انها عندها نفس الشعور وانها هتشوف طريقه وتبعده عنها

وفى الليل بتقوم كيثى وبتدخل المطبخ وبتجيب سكينه

وبتروح للمدرسه وبتحط السكينه فى خزانه جان

وتانى يوم الامن بيفتش الخزن بتاع الطلاب وبيلاقى سكينهةفى خزنه جان

وبتاخده لمكتبها وبتقوله انها قادره تنهى مستقبله

لو مبعدش عن بيرى

لاكن جان بيرد عليها ببرود وقالها انه قادر ينهى على مستقبلها ويدمر سمعتها

وخرج تليفونه ووراها فيديو صورو ليها وهيا نايمه معاه

وقالها انه كان مخطط لكل اللى حصل

وانه كان مراقب الاكونتات بتاع كيثى وعرف انها اترقت واصبحت مديره للمدرسه

فنقل نفسه لمدرستها

وانها خرجت تحتفل مع صحباتها فى الفندق وانه عطل التكيف واخد مكان فنى الصيانه عشان يتعرف عليها وينام معاها

وبتتعصب كيثى من اللى سمعته

وطلب جان منها انها تحضر له 50الف دولار

والا هينشر الفيديو بتاعها فى كل مكان وهيفضحها

لاكن كيثى قالتله ان المبلغ دا مش معاها

فقالها ان المبلغ لو محضرش اخر الاسبوع متلومش غير نفسها

فبتتعصب كيثى وبتطلب الامن عشان يخرجوه برا المدرسه

وبيرجع جان للبيت وهو متعصب

وبيقابل جوز امه وبيفضل يضايق جان فبيتعصب جان وبياخد السكينه وبيقتله

وفى الوقت دا بتوصل جينا لبيت جان عشان تعترف له انها مش قادره تنساه

بس بتتفاجئ جينا بجوز امه مرمى على الارض

وبتخاف وبتخرج بسرعه من البيت

لاكن جان بيلحقها برا البيت وبيهددها انه هيقتلها لو حكت لاى حد عن اللى شافته

وبيخل جان وبيفضل يضرب فى الجثه بمضرب البيسبول

وتانى يوم بيوصل جان للمدرسه عشان يتكلم مع بيرى من غير ماحد يشوفه

وبياخد جان بيرى لمسرح المدرسه وبتشوفه جينا

وفى الفصل بتعرف كيثى ان بيرى محضرتش الحصه وقلقت عليها

فراحت جينا ليها وقالت لها انها شافت جان واخد بيرى للمسرح

وفى اللحظه دى بيتصل جان بكيثى من تليفون بيرى

وطلب منها انها تجمع كل الفلوس والدهب اللى تقدر عليه عشان ميئذيش بيرى

وتقابله كمان ساعتين فى المكان اللى هيقولها عليه

وبيحكى جان لبيرى ان امها ست خاينه وانها دمرت عيلته من 17سنه

وانهم اخوات من نفس الاب اللى هوا جون

وبتتصدم بيرى وبتنهار من اللى بتسمعه

وبياخدها بيرى لبيت مهجور على اطراف المدينه

وبعد ساعتين بتوصل كيثى وميجان للمكان اللى قالها جان عليه

لاكنها مقدرتش تجمع غير 15الف دولار

وبيطلب جان من كيثى انها تعترف لبيرى بانها خانت جوزها مع والده جون

فبتعترف كيثى بكل اللى حصل وان دا سبب طلاقها من والدها

وبيحاول جان قتل كيثى لاكن بتجرى ناحيه جان بسرعه وبتزقه وبيقعو هما الاتنين على الارض وبيموت جان وبتتصاب كيثى بكسور خفيفه

وبتتخلص كيثى وبيرى من الكابوس اللى كان هيدمر حياتهم

ولهنا نكون وصلنا لنهايه فيلمنا